دي مصر الي بحلم بيها

دي مصر الى بحلم بيها

1_ رئيس شاب محترم من الشعب وميكنش معاه الدبلومة الامريكيه ولا اتخرج من
الجامعه الامريكيه ولا يكونش اتعين بالواسطه فى مجلس ادارة او مستشار
قانونى فى القطاع الخاص

2_ رئيس وزراء زى الدكتور كمال الجنزورى الذى شهدت ايام رئاسته للوزراء احلاها وانضفها وكانت الناس بدأت تفوء من نومها

3_ احلم بوزير من الحزب الوطنى ووزير من التجمع ووزير من الوفد ووزير من
الاخوان ووزير من الناصرى ووزير من الغد ووزير من الوسط ووزير مستقل
ويشترط التخصص والكفاءة

4-احلم بزيادة ميزانية وزراة الدوله للبحث العلمى ل 2 فى الميه بس ..
وبحلم ان سمير رجب او ابراهيم نافع ميكنش مرتبهم مليون جنيه فى الشهر او
حتى فى السنه زى ما بيقولوا .. ويوفروا المليون دى يوظفوا بيها الف شاب او
اكتر .. بحلم بمصر شوارعها نضيفه وسياحها مبسوطين ومرتاحين...

5_ بحلم بمصر سينا فيها شرم الشيخ زى الريفيرا ووسط سينا اكبر تجمع صناعى
فى الشرق الاوسط وشمالها مدن زى بورسعيد والاسماعيليه والسويس وتكون فى
المدن دى مقر للوزارات بدل ما كلها فى القاهرة كده

6_ بحلم بمصر مصدرة لليورانيوم والفوسفات والمنجنيز والدهب او حتى يكون عندنا فائض

7_ بحلم بمصر ترجع تانى امجادهاا فى القطن طويل التيله واكتفاء ذاتى فى القمح والارز

8_ بحلم بأن يكون دخل قناة السويس بالجنيه بدل الدولار عشان الجنيه قيمته ترتفع والاسعار ترخص ويبقى فعلا د الشغل المظبوط

9_ بحلم بمصر اللى مفيهاش قانون طوارىء او اجراءات الروتين المذله

10_ بحلم بمصر اللى يكون فيها هيئة تصنيع عسكرى وانتاج اسلحة زى اسرائيل
وامريكا وروسيا والصين وكوريا والهند .. هى الدول دى اجدع مننا فى حاااجه
عشان منقدرش نعمل كده؟..

11_ بحلم بمصر اللى اهلها بيضحكوا من قلبهم م اللى بيحصل دلوقتى( الواحد
بيشوف مناظر تبكى ) من ناس بتكلم نفسها وناس مكشرة وناس بتضحك من غير نفس
وشباب ضايع فى البحر ومتمرمط فى السفارات عشان حتة تأشيرة لبلد عمر ما كان
الواحد يتخيل انه يسيب بلده عشان يشتغل فيها ( زى جنوب افريقيا كده)..

بحلم بمصر بحلم بمصر بحلم بس تفتكروا فى اى حلم من ده ولو واحد بس ممكن يتحقق