نكت مغربية 1

1-واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة

2-حشايشي تابعنو لحناش .. كيدخل ليهم من دروبا مشدوهش.. واحد لوقت شافوه راجع قال ليهم دراري انا عييت ليوم تاغدا ونكملو

3-عروبي شرا بورطابل.. دارو فجيبو.. واحد الوقت بدا يفيبري... لاحو.. قال ولد الحرام باعو ليا حي..

4-واحد بخييييل..خرج مرتو ...دارو حتى عياو وما شرى ليها والو..بقات كطلب فيه وتزاوك ..هو يشري ليها مسكا ديال 4 دريال...بقات كتمضغ ..كتمضغ حتى تقرعاتtgar3at ..وهو يقول ليها : شبعتي يا الحلوفا

5-واحد خينا قالو ليه : راك غدي تمثل اشهار تاع الروايد (general tire)



قال ليهم : مرحبا.. ساهلا هاذي



قالو ليه : عنخشيوك فوسط الرويدة ونلوحوك من واحد العقبة وغير توصل لتحت ..تخرج



وتقول : (general tire) وعراااااااااا..



قال ليهم : صاااااافي جاتكوم.



الناس وجدات الكمرات ...الاضاءة..و طلقوه ..السيد بدأ يتكركب يتكركب ..وصل دايخ..وهو يخرج



قال ليهم:(general tire) عالم جديد يناديكم ... استعملوه بلا ما تضيعوه ...اقتصاد في المصروف وصابونه مزيان..


6-هذا واحد البناي بغا يضحك مع صاحبو ..خلاه حتا دخل المرحاض وبنا عليه حيط

7-واحد العروبي كان غادي بالليل شداتو الصطافيط..سولوله الحناش



قالو ليه: اجي نتا لهنا..واش كتقرقب؟ ( الفانيد زعما)



قال ليهم :لااا اسيدي والله ما كندير الحس

8-هدي واحد المراة كتشك في راجلها، واحد اليوم لقات شعرة شهبة



،قالت ليه : شكون هاد الشهبةاللي كنتي معاها؟



واحد اليوم لقات شعرة حرشة



قالت ليه:شكون هاد العزوة اللي كنتي معاها؟



واحد اليوم ملقات حتى شعرة ،



قالت ليه : شكون هاد القرعةاللي كنتي معاها؟....

9-هدا واحد البخيل فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير